Ekki leikur veröldin eins við alla......

Loksins er ég sest fyrir framan tölvuna og tilbúin í skrif. Síðustu tvær vikur eru búnar að vera aldeilis frábærar. Fórum hópur saman í Þórsmörk þarsíðustu helgi í alveg hreint yndislegu veðri. Gaman að segja frá því að það þekktust mjög fáir innan hópsins en það lét ekki aftra að okkur og vorum við ekki lengi að skella í okkur bjór og tala um lífið og veginn. Þeir sem þekkja mig vita hversu misheppin ég get verið... Þegar við vorum búin að finna okkur pláss til að tjalda í Básum fara allir að sjalfsögðu að setja upp sín tjöld og þar á meðal ég. Ég tek allt úr pokanum breiði tjaldið á jörðina og ætla að renna tjaldstöngunum í gegn, en HVAR eru tjaldstangirnar???? Svar: HEIMA!  Byrjaði vel. En ég fékk bara að kúra uppí hjá hinum. Lét þetta ekki eyðileggja fyrir mér og þema kvöldsins var Irisch coffee! Þeir voru ansi margir drukknir til að halda í sér smá hita En þetta er ekki búið. Daginn eftir er ég að rölta með Kibbu að skálanum, þar stendur fullt af fólki sem var sennilega að koma niður af fimmvörðuhálsinum. Við erum í hrókasamræðum og nei nei, mín í óreymdum gönguskónum og auðvitað flækjast reimarnar saman en ekki hvað? og ég bara steyptist í jörðina og ALLIR og svæðinu tóku að sjálfsögðu eftir því, hvítvínsglasið mitt skaust ég veit ekki hvert (sennilega yfir börnin) og nota bene þetta var fyrsta glasið mitt þannig að ég var ekki ölvuð... ég bað Kibbu um að ganga rösklega það sem eftir var að leiðinni.... ha ha ha hversu mislukkaður er hægt að vera. En við hlógum mikið að þessu. Svo á laugardagskvöldinu var brenna og mikið var sungið og enn var drukkið irish coffee Heimleiðin var svo heldur betur erfið... En ég kom heim með sólbrennt nef.

Þann 17. júní var ekki bara þjóðhátíðardagur íslendinga, þá kom Andri í land og við héldum upp á smá tveggja ára afmæli sem við áttum  En létum ekki þar við sitja og skelltu okkur í aðra útilegu. Þá fórum við á Þingvelli og ég ákvað að leyfa tjaldstöngunum að koma með í þetta sinn.. Fyrsta kvöldið vorum við þau einu sem tjölduðu á svæðinu, en það var stanslaus umferð allan sólarhringinn af veiðimönnum. Andri tók stöngina sína með, ég settist hjá honum en það kom smá vindhviða og eitthvað stakk mig í kálfann, jú jú flugan kræktist í kálfann á mér... (er að spá í að fara að ganga í brynju bara svona in case of...) En veðrið var frábært, pínu hvasst en við náðum að tjalda í svo góðri laut. Fórum svo út að borða í Valhöll og það er eitthvað sem ég geri aldrei aftur. Biðum heila eilífð eftir að fá að panta. Jæja svo panta ég mér naut og þjónnin spyr mig hvernig ég vilji fá það steikt, ég bið um að fá það medium rare. Eftir 40 mínútur kemur nautið, sem er svo mikið steikt að það sást ekkert rautt í því og það var eins og tyggigúmmi. Svo bragða ég á kartöflunni sem var með steikinni, þetta var kartafla sem ég hafði aldrei smakkað áður , hún var FROSIN! Ég bað um reikninginn loksins þegar þjóninn lét sjá sig aftur...  En lét þetta nú ekki eyðileggja fyrir mér kvöldið, heldur fórum við aftur upp í tjald og spiluðum yatsy sem ég að sjálfsögðu vann þetta var ofsalega notalegt þarna á Þingvöllum, fórum líka yfir á Laugarvatn í sund. Fórum svo upp í kjós og kíktum á gamla settið ( Leif og Jónínu) ætluðum líka að ganga upp að Glym, keyrðum eins langt í botn Hvalfjarðar gengum svo áleiðis, en merkingarnar þar eru ömulegar svo við gáfumst upp svo ég þurfti ég líka að fara að vinna. En Andri fór svo á sjó í dag... 

Ég naut sólarinnar í dag og fór í laugina og náði mér í enn meiri lit og ég held ég hafi ekki verið svona brún síðan ég var krakki! En jæja er með kjúkling í ofninum, kominn matartími hjá mér

Þar til næst!