Ekki leikur veröldin eins við alla......

 Kartöflu- & tómat réttur

6-8 meðalstórar kartöflur - soðnar og skornar í bita

1 stór laukur - gróft skorinn

1dós tómatar í dós

2 stk hvítlauksrif - rifin

2 stk kardimmommur - fræin mulin

1 tsk cumin

1 msk tandoori krydd

1 msk sweet chilli sósa

2 msk brúnn sykur

salt og pipar

safi úr halfri sítrónu

Aðferð:

Setjið tómatarna í dósinni í pott eða pönnu, setjið allt kryddið og sykurinn útí og látið malla í svolitla stund. Bætið þá lauknum og kartöflunum útí og látið malla í nokkrar mínútur í viðbót. Gott er að hafa laukinn pínu stökkan. Smakkið til með salti og pipar.og sítrónu.

Svo bað mamma um uppskrift að sætri kartöflumús. Mín aðferð er mjög einföld og góð.  Ég sýð saman sætar kartöflur ásamt venjulegum kartöflum. Sirka 70/30. Þegar það er soðið helli ég vatninu af og mauka saman með písk í pottinum. Hræri smjöri og rjóma saman við, kreisti smá sítrónusafa útí og krydda með salti og pipar.

Svo er ég með aðra sem  er  mjög góð og hljóðar svo :

Sæt kartöflumús með engifer, coriander og mango

600 gr sætar kartöflur - afhýddar

þumall rifinn engifer

1 tsk kóríanderfræ?

½ mango - afhýdd og skorið í teninga

1 tsk hunang

1 tsk sykur?

appelsínusafi - blandað með vatni eftir smekk

Aðferð: Setjið kartöflur, engifer, kóríanderfræ, hunang, sykur og pipar í pott og bætið appelsínusafa og vatni þannig að það fljóti yfir. Þegar kartöflurnar eru soðnar, sigtið þá appelsínusafann frá og grófstappið kartöflurnar. Blandið í lokin mangóbitum saman við. 

þar til næst!!

• Var að setja inn fullt fullt af myndum frá síðasta sumri, sumarbústaðarferð, ættarmót/90 ára afmæli ömmu, hringferð, matarborð og fleira.

• Er búin að skrifa á öll jólakortin og kaupa allar jólagjafir nema tvær. Nú er bara að henda upp jólaskrauti og baka smákökur! jólin eru alveg að koma 
• Fór að sjá Hellisbúann fyrir nokkru, er svo heppin að eiga góða  vinkonu sem gaf okkur hjúunum miðana sína. Sýninging er æði og mæli eindregið með henni. Ég hafði ekki séð "gömlu" sýninguna og vissi í rauninni ekkert um hvað verkið væri. En mikið hlógum við 
• Ég hlakka svo til að komast austur um jólin, get vart beðið. Get eiginlega ekki hugsað mér annað en að eyða jólunum annarsstaðar en á Hornafirði. Þó svo að það sé brjáluð rigning og rok, samt jólalegt  
• Það er alltaf verið að segja að konur séu alltaf að leita sér af áhugamálum, mig langar svo að gera margt en læt aldrei verða af því, mig vantar kraftinn til að byrja og drífa mig áfram, hvar fæ ég svona kraft?? mig langar til dæmis á ljósmyndanámskeið, söngnámskeið, byrja að æfa blak aftur, mynlistarnámskeið og fara í kór. Tvennt er ég þó byrjuð á að dúlla mér í. Ég er farin að prjóna, jebb þið heyrðuð rétt. Er með barnapeysu á prjónunum og mikið er þetta skemmtilegt enn sem komið er. Þar sem ég ákvað að vera ekki áskrifandi af Skjá einum er lítið um sjónvarp á mínu heimili og þá er það bara lestur  í staðinn. Eins og maður var nú duglegur að lesa hérna í denn áður en allar sjónvarpsstöðvarnar komu og internetið! sorglegt.
• Eins og þið sjáið hef ég verið að setja inn uppskriftir og ætla mér að vera duglegri í því á næstunni. vona að þetta geti orðið ykkur að einhverju gagni  og ef ykkur dettur einhverjar uppskriftir í hug er aldrei að vita nema ég geti orðið ykkur að liði....
• Þar til næst..

Nú er þakkargjörðarhátíðin hinum meginn við hafið. Í síðustu viku bauð ég góðvinkonum mínum, Lovísu og Svönu í Kalkún, fyllingu, sætkartöflumús og tilheyrandi. Ég ætla að skella inn uppskriftinni af fyllingunni sem er fyrir ca. fjóra og hljóðar svo:

8-12 stk brauðsneiðar - skornar í bita

6 stk sellerístangir - skornar í bita

3 stk laukar - grófsaxaðir

lúka salvia - gróf saxað

1 dós blandaðir ávextir - safinn sigtaður frá

fullt af íslensku smjöri, ca. 200 gr

salt og pipar

Aðferð:

Setjið brauðbitana í ofnfast mót og inn í ofn við 120 C þar til þeir eru stökkir.

Svissið laukinn og selleríið í smjörinu á lágum hita þar til það er mjúkt í gegn, bætið þá salvíunni við og kryddið með salt og pipar. Bætið blönduðu ávöxtunum útí og brauðinu. Hrærið vel saman.

Ég á svo hrikalega mikið af Baylis inn í skáp, en er ekkert svakalega hrifin af þeim drykk. En skellti því útí eftirrétt og útkoman mjög góð. 

þar til næst...